Само неколку дена откако ја видовме гламурозната Кејт Мидлтон на црвениот тепих во прекрасен бел фустан од Александар МекКвин и бремената Меган Маркл блесна во истата боја.
За разлика од Кејт, Меган избра бел ролка- фустан од Келвин Клајн и бел капут од колекцијата на Аманда Веjкли. Ова е прво појавување на Маркл во јавноста по објавувањето на писмото кое што таа му го напиша на својот татко Томас Маркл, во кое му вели дека и го скршил срцето со скандалот кој што и го приреди.
Војвотката, која треба да се породи во април, во последниот период е на мета на таблоидите кои постојано се обидуваат да ја отсликаат во негативно светло.
Холивудскиот актер, Џорџ Клуни, застана во нејзина одбрана велејќи дека мошне го фрустрира тоа што медиумите вршат хајка врз Маркл исто како што правеа и со покојната принцеза Дајана. Сепак, судејќи по изгледот на Меган и нејзината безгрижна насмевка, изгледа дека добро се справува со целиот притисок.