Познатиот германски моден дизајнер и креативен директор на Шанел, Карл Лагерфелд почина денеска на 85 годишна возраст. Смртта доаѓа по кратко од боледување од рак на панкреасот.
Шпекулациите за влошеното здравје на Лагерфелд се појавија во јануари кога дизајнерот отсуствуваше од ревијата на Шанел во Париз поради тоа што се чувствувал уморно.
Карл важеше за вистински бог во светот на модата, кој низ годините имаше можност да соработува со едни од најзвучните имиња од шоубизнисот.
-Јас сум еден вид моден нимфоман, кој никогаш не добива оргазам, изјави тој во 1984 година, запрашан како се чувствува по модните ревии.
Ќе остане запаметен по својот остар јазик и директните коментари кои им ги упатуваше на познатите, а воедно и како дизајнер кој триесет години се грижеше за Шанел брендот.