Поп-ѕвездата Лејди Гага ја прекина врската со својот вереник Кристијан Карино, изјави нејзин претставник за списанието „Космополитен“.
Ова е прекин на втора посериозна врска на Лејди Гага, последниве три години и се случува на неколку дена пред доделувањето на Оскарите, каде што пејачката е номинирана за најдобра женска улога за филмот „Ѕвездата е родена“.
Свеченоста ќе се одржи во недела, а предвидено е таа да ја изведе песната „Shallow”, која инаку е тема од филмот.
Лејди Гага и Кристијан Карино се верија минатиот октомври, а заедно беа од почетокот на 2017-та година, кусо откако Лејди Гага раскина со актерот Тајлер Кини.
Лејди Гага и Карино, кој е и нејзин агент, изгледаа дека се во добри односи на доделувањето на наградите Златен глобус во јануари.
Но, будното око на обожавателите забележа дека на свеченоста по повод доделување на Греми наградите пред 10 дена, пејачката не го носеше големиот веренички прстен.
Многумина шпекулираат дека причината за разделбата е актерот Бредли Купер со кој пејачката глумеше во „Ѕвездата е родена“. Иако Бредли е во брак со Ирина Шајк, хемијата која што ја има со Гага е и повеќе од очигледна.