По веста за самоубиството на пејачот на Продиџи, Кит Флинт, во светот на познатите денес уште една смрт.
Актерот Лук Пери, познат по улогата на Дилан во култната серија Beverly Hills 90210, денес почина на 52 –годишна возраст.
Ѕвездата на серијата пред неколку дена беше итно пренесена во болница откако доживеа тежок мозочен удар во својот дом. Истиот ден Fox ја објави информација дека ќе ја „оживее“ серијата со нејзината оригинална постава на актери.
-На семејството многу му значи поддршката и зборовите на утеха кои луѓето од сиот свет ги испратија за Лук. Ги замолуваат обожавателите да ја почитуваат приватноста во овие тешки мигови на голема тага. Во овој момент семејството нема да објавува никакви други детали, изјави неговиот претставник за јавност.
Пери почина во болница опкружен со своето најблиско семејство.