Самоубиството на Кит Флинт ги шокира обожавателите на Prodigy, а воедно и целата светска јавност. Неколку дена по немилиот настан, на површина излегуваат нови детали околу тоа зошто пејачот би посегнал по сопствениот живот.
Според пишувањата на The Sun неколку дена пред да се обеси во својот дом во Есекс, Кит очајно се обидувал да се смири со својата сопруга, јапонската диџејка Мајуми Каи, со која се раздели мината година. Тој дури и ја одложил продажбата на нивниот заеднички дом, со надеж дека ќе успее да издејствува втора шанса за нивниот брак.
- Кит секогаш се надеваше дека ќе го надминат проблемот и направи неколку телефонски повици во кои ја молеше. Но, таа не се предомисли и инсистираше да ја продаде куќата. Тоа го скрши Кит. Таа не треба да се обвинува за неговата смрт, но изгледа дека тој мислеше дека нема да може да продолжи да живее без неа, открива близок пријател на пејачот за таблоидот.
Безживотното тело на пејачот беше пронајдено во понеделникот од страна на вработен во неговиот дом во Есекс.
Во јавноста се појавија неколку фотографии од Флинт кои се направени неколку часа непосредно пред да си го одземе животот, на кои изгледа весело и воопшто не оддава знаци дека нешто не е во ред.
