Џенифер Лопез и Бен Афлек им приредија вистинско изненадување на своите обожаватели откако по речиси 17 години од нивното раскинување, повторно се заедно.
Гласините велат дека Алекс Родригез, останал во шок откако дознал дека пејачката повторно се гледа со актерот. Родригез и Лопез неодамна ја раскинаа својата свршувачка и изјавија дека ќе останат пријатели. Нивната врска важеше за една од најсреќните во светот на познатите, но беше засенета од статиите за наводните неверства на Родригез.
Можеби токму затоа, Џеј Ло (48) направи сосема неочекуван потег и го помина викендот заедно со Бен Афлек (51) во ски ресорт во Монтана.
-Тие силно се поврзани. Се беше брзо и интензивно, но Џенифер е среќна, велат нејзините пријатели.
Џен и Бен во минатото беа познати под прекарот „Bennifer“. Се верија во 2002-ра, а официјално се разделија во 2004-та. По разделбата, Џенифер се омажи со пејачот Марк Ентони и ги доби близнаците Еме и Макс, додека Афлек заврши во брак со Џенифер Гарнер со која има три ќерки. На крајот и двата брака завршија со развод, а Џен и Бен продолжија со серијата на неуспешни врски. Дали нивното обновување на врската по 17 години пауза, овој пак ќе има среќен крај, останува допрва да видиме.