Холивудската актерка, Кирсти Ели, почина на 71-годишна возраст по кратка битка со ракот, соопшти нејзиното семејство.
Синот Вилијам Тру и ќерката Лили Прајс напишаа дека нивната мајка неодамна открила дека боледува од рак и дека во последните мигови од својот живот била опкружена со најблиското семејство.
Актерот Џон Траволта, кој беше еден од најдобрите пријатели на Кирсти, на Instagram сподели емотивна порака во која се збогува со својата пријателка.
-Кирсти беше една од најпосебните врски што сум ги имал. Те сакам Кирсти. Знам дека ќе се видиме повторно, напиша тој.
Кирсти Ели во текот на својата кариера освои две Еми награди за серијата „Cheers“ и филмот „David’s Mother“. Глумеше покрај Џон Траволта во комедијата „Look who is talking“ и продолженијата, а воедно беше дел од низа на успешни филмски проекти.