Церемонијата за врачување на наградите Grammy во Лос Анџелес се претвори во своевиден настан во помен на Витни Хјустон, пренесоа светските агенции.
Големата победничка на вечерта е Адел, која зеде шест награди, вклучувајќи ја и онаа за најдобра песна и најдобар албум.
Foo Fighters останаа со пет Grammy.
Ова 54-то издание на престижните американски награди за популарна музика беше помрачено од веста за смртта на Витни Хјустон ден претходно. Пејачката (48) почина неколку часа пред предвидениот настан.
Програмата почна со молитва за Витни Хјустон од страна на водечкиот рапер LL Cool J. Речиси сите присутни во салата ги наведнаа главите во знак на почит кон покојната. Неколку ѕвезди беа облечени во црно во знак на жалост, како Лејди Гага, која беше со црна ролка и со лице покриено со мрежест вел.
Молитвата беше проследена со прикажување краток видео материјал, на кој Витни Хјустон ја пее својата емблематична песна „I Will Always Love You“ од филмот „Bodyguard“. Целата сала стана на нозе и аплаудираше.
-Витни, ние секогаш ќе те сакаме и оваа вечер ќе ти го кажеме тоа на најдобриот начин, со пеење, рече LL Cool J.
Британката Адел на церемонијата за прв пат запеа во последните пет месеци, откако беше принудена да направи операција на гласните жици.
Според првичните планови исполнението на 23-годишната пејачка требаше да биде еден од ѕвездените мигови на вечерта, но вниманието беше свртено од британската пејачка кон Витни Хјустон. И покрај тоа, Адел покажа дека гласот и е во одлична форма, кога уверено го испеа својот хит „Rolling in the Deep“ - само неколку минути откако таа песна доби Gramy награда за песна на годината.
Еден од најтрогателните моменти на вечерта беше кога на сцената излегоа родителите на Ејми Вајнхаус за да од нејзино име да ја добијат наградата за најдобро поп издание.
-Ние не треба да сме тука. Нашата сакана ќерка треба да е тука, рече нејзиниот скршен татко Мич Вајнхаус.
Тој им оддаде почит и на Витни Хјустон, како и на Ета Џејмс, која почина минатиот месец.
-Што би можел да кажам? На небето се оформи убава женска група, рече таткото на Ејми Вајнхаус.
Победници на овогодинешното доделување на Grammy awards се:
Албум на годината Adele: “21“
Песна на годината Adele: 'Rolling in the Deep'
Најдобар нов артист: Bon Iver Pop Field
Најдобра соло изведба Adele: 'Someone Like You'
Најдобра Pop Duo/Group изведба: Tony Bennett and Amy Winehouse - 'Body and Soul'
Најдобар Поп албум Adele: ” 21”
Најдобар Dance Recording Skrillex: 'Scary Monsters and Nice Sprites'
Најдобар Dance/Electronica албум: Skrillex - Scary Monsters And Nice Sprites
Најдобра рок изведба: Foo Fighters - 'Walk'
Најдобра хард рок изведба: Foo Fighters - 'White Limo'
Најдобра рок песна: Foo Fighters - 'Walk'
Најдобар рок албум: Foo Fighters - Wasting Light
Најдобар алтернативен музички албум: Bon Iver - Bon Iver
Најдобра рап изведба: Jay-Z and Kanye West - 'Otis'
Најдобра рап соработка: Kanye West, Rihanna, Kid Cudi and Fergie - 'All of the Lights'
Најдобра рап песна: Kanye West, Rihanna, Kid Cudi and Fergie - 'All of the Lights'
Најдобар рап албум: Kanye West - My Beautiful Dark Twisted Fantasy
Најдобра кантри соло изведба: Taylor Swift - 'Mean'
Најдобра кантри Duo/Group изведба: The Civil Wars - 'Barton Hollow'
Најдобра кантри песна: Taylor Swift - 'Mean'
Најдобар кантри албум Lady: Antebellum - Own the Night
Најдобро оценет Soundtrack: Alexandre Desplat - The King's Speech
Продуцент на годината: Paul Epworth
Најдобро кратко видео: Adele - 'Rolling in the Deep'
Најдобро долго видео: Foo Fighters - Foo Fighters: Back and Forth