Изгледа дека Лејди Гага ужива во своевиден бразилски карневал. Ѕвездата што никогаш не нè остава рамнодушни, деновиве престојува во еден хотел во Рио Де Жанеиро, каде беше уловена од папараците. Овој пат, на балконот од својот апартман, таа се ослободи од своето горно бикини, заменувајќи го со егзотичен коктел.
Откако донираше еден милион долари на Црвениот крст за помош на настраданите од ураганот Сенди, њујоршката пејачка се зафати со твитање од Јужна Америка.
„Во Рио сум. Моите прекрасни фанови носат кожа и марами под сонцето, непослушни ликови, прекрасни насмевки и тупаници во воздух! Ве слушам!“, напиша Гага на нејзиниот Твитер профил.
Пејачката се грижела за своите фанови и им испраќала хамбургери, пржени компирчиња и сокови на оние кои биле собрани околу хотелот.
