Даниел Кајмакоски, човекот кој со својот глас ги освои симпатиите на целиот Балкан и победи на музичко шоу X-Factor, утре попладне доаѓа во Скопје.
По неполна недела од победата, Даниел се враќа во Македонија за да се одмори од сите нешта кои што му се случија во изминатите неколку дена, а воедно и да се види со своите обожаватели.
Скромниот човек со извонреден вокал кој нè направи горди и ни покажа дека соништата навистина се исполнуваат сè додека сме подготвени да ги следиме, утре (29 март) ќе слета на аеродромот Александар Велики.
Затоа ги повикуваме неговите обожаватели, а воедно и сите оние кои уживаат во извонредните изведби на Кајмакоски да дојдат на аеродромот Александар Велики од 14.30 часот со цел да му посакаме големо и топло добредојде.
Бидете таму!