Ренато Вугринец, седумката на Металург и најдобриот стрелец во лигата на шампионите во супер интересен разговор со Жаре во новата епизода од Еден на Еден.
- Пред 4 години ми се јави Лино, јас веќе две години сум во Скопје и играм за Металург. Тогаш не дојде до договор, најверојатно барав повеќе пари. Сепак, најбитно е дека дојдов и сум тука, вели Ренато.
- Искрено, после една година играње во Хамбург во Германија, мислев да останам во Словенија. Претходно бев во Катар, преговарав со арапите пак да се вратам. Таму се оди за пари, за кеш. Сепак, решив да останам во Марибор, но потоа дојде понудата од Металург. Арапите уживаат во ценкањето, во договарањето на парите. Тие спортот го гледаат како да играат PlayStation. Најверојатно тоа е така бидејќи имаат пари и им е досадно затоа што живеат во пустина. Спортот им е занимација, трошење пари и забава, додава во моментов најдобриот стрелец во Лигата на Шампионите.
38-годишниот бек зборува за тоа како успева да ја игра најдобрата сезона во кариерата на толку зрела возраст, како се случило да дојде во Металург, зошто не го одбрал Вардар, но и за тоа што најмногу би сакал да прави со Ванчо Димоски, Сергеј Самсоненко, Кире Лазаров... И секако, зошто толку многу се "сакаат" со Никола Карабатиќ.
Како и секогаш, одлична епизода од најгледаното ток шоу кај нас, која можете да ја гледате и во видеотеката на MaxTv.