Српската пејачка, Драгана Мирковиќ, за малку ќе останеше покуса за 5000 евра откако загуби скапоцен прстен. За време на снимањето на спотот за песната „Don’t Go Away“, Мирковиќ сфатила дека не може да го најде скапоценото парче накит кое претходно го оставила во соблекувалната.
-Драгана го извади прстенот со цел да се подготви за снимањето на спотот. Една девојка од нејзиниот тим го тргнала целиот накит на сигурно, но заборавила да им каже на преостанатите пред да замине во град за да заврши некои обврски, открива човек од продукцијата.
Откако Драгана се вратила од снимањето кренала паника бидејќи не можела да си ги најде оставените нешта меѓу кои и скапиот прстен. За среќа девојката која го тргнала на сигурно брзо се вратила на сетот, па откако објаснила што направила, Мирковиќ конечно можела да здивне.