Откако победникот на X-Factor, нашиот пејач Даниел Кајмакоски, неодамна изјави дека би се оженил со Цеца, сега нашата учесничка од истото натпреварување која отпадна во текот на шоуто, Фифи, открива дека сака да се запознае со Цеца.
Филип Јаневски Фифи, по едно ноќно излегување ги забавувала своите пријатели пеејќи песна на популарната српска пејачка. На видеото до кое дојде српскиот портал Telegraf, младата македонска пејачка покажува дека репертоарот на фолк ѕвездата и оди од рака.
Поранешната учесничка на најпопуларното музичко шоу на Балканот, пријателите ги забавувала со хитот Pile, што остава простор за размислување дали е можно трансексуалецот од X-Factor да го видиме со некоја фолк песна во блиска иднина.
Инаку Фифи е единствен натпреварувач од неодамна завршеното талент шоу кој ја издаде својата прва песна „Namerno“ за која наскоро се очекува и спот.
- Не пејам многу домашна музика, бидејќи во главно слушам странска музика, но некои песни на Цеца и ги сакам. Цеца ми е кул без оглед што пее фолк, таа долго време е на сцената што значи дека е квалитетна. Од крајот на натпреварувањето сум во Белград каде напорно работам на нови песни, па би сакала Цеца да има време да се запознаеме, рече Фифи.