Пејачката Шерил Кол предизвика вистинска сензација во медиумите откако објави дека стапила во брак со Французинот Жан Бернард Фернандез Версини со кого е во врска само 3 месеци.
Судијката на X Factor откри детали од својот интимен живот со цел да ги прекине шпекулациите за нивниот однос кои од неодамна кружат во медиумите.
-Вообичаено не зборувам за мојот приватен живот, но со цел да ги запрам шпекулациите сакам да ги споделам добрите вести. Жан Бернард и јас се земавме на 7 јули. Пресреќни сме и возбудени што ќе продолжиме со животот заедно, изјави Кол.
Парот се запозна во мај на Канскиот филмски фестивал и од тогаш се неразделни еден од друг. Ова е втор брак за Шерил која претходно беше мажена со фудбалерот Ешли Кол кој неколку пати ја изневери.