Дали Кејт Мидлтон повторно ја крие бременоста од јавноста?
Нејзината долгогодишна пријателка Џесика Хеј изјави дека војвотката од Кембриџ е во блажена состојба и дека принцот Џорџ ќе добие братче или сестричка.
-Лицето и станува тркалезно исто како кога го носеше Џорџ, а ја промени и фризурата по сè изгледа за да сокрие дека се здебелува. Образите и се румени и кога е во јавноста по секоја цена се обидува да го сокрие стомакот, вели Хеј и додава дека најверојатно кралското семејство нема да ја објави веста сé додека не помине првото тромесечие од бременоста.
Првата бременост на принцезата во почетокот беше проблематична, па веста дека очекува дете беше објавена порано од очекуваното. Сепак и тогаш како и сега, Хеј прва ги извести медиумите дека нејзината пријателка наскоро ќе стане мајка.