Првородениот син на војводата и војвотката од Кембриџ и еден од престолонаследниците на британската круна, денес го прославува својот прв роденден. Во чест на принцот Џорџ, палатата објави две фотографии на кои е сликан со своите родители.
Принцот Вилијам и неговата сопруга Кејт и се заблагодарија на јавноста за илјадниците подароци и писма кои ги добија во текот на целата година откако е роден Џорџ.
-Би сакале да го искористиме првиот роденден на Џорџ да им се заблагодариме на сите оние кои во текот на изминатата година сме ги запознале, без разлика дали тоа било дома или во некоја прекуокеанска земја, за нивните топли и благородни желби до Џорџ и нашето семејство, стои во официјалното соопштение од Кејт и Вилијам.
Раѓањето на принцот Џорџ минатата година предизвика вистинска еуфорија како во Британија, така и во преостанатиот дел од светот. Од тогаш принцот постојано е во центарот на вниманието и едно од најсаканите бебиња од британската јавност.