Хрватската пејачка Северина Вучковиќ сака нова судска постапка околу старателството и алиментацијата на синот Александар.
Адвокатите на Севе поднеле жалба до судот во Загреб, кој во март донесе пресуда Милан Поповиќ да го гледа својот син секој втор викенд и месечно да исплаќа 2000 евра за неговото издржување.
Пејачката првично не беше задоволна со сумата бидејќи смета дека бизнисмен од негов калибар може да си дозволи многу повеќе, па уште при донесувањето на одлуката изјави дека ќе поднесе жалба.
-Северина собра докази со кои сака да покаже дека Милан со помош на своите соработници создавал негативна слика за неа како мајка и користејќи ги медиумите вршел притисок врз судството. Во меѓувреме на своите адвокати им ги предаде документите кои наводно потврдуваат дека нејзиниот поранешен партнер правел се за да и го оцрни името и затоа очекува судот да ја усвои нејзината жалба. Сè ќе биде познато за месец дена, открива извор близок до пејачката.
По објавувањето на информацијата пејачката остана недостапна за коментар, додека Поповиќ изјави дека не планира да дискутира за судскиот процес во кој е инволвиран неговиот син.