Насмевка повторно се врати на нејзиното лице. Откако минатата недела ги скрши двете раце при пад во хотел во Нови Винодолски. Лепа Брена беше оперирана во болницата во Ловран, а како што дознаваат српските медиуми пејачката многу добро заздравува по зафатот.
- Брена се чувствува одлично и повеќе не трпи болки. Таа ќе ја напушти болницата и лечењето ќе го продолжи во својот дом. Имобилизацијата на рацете ќе трае шест недели, по што се очекува опоравување во траење од месец и половина. Таа ќе мора да оди на физикална терапија, изјави др. Хрвоје Мокровиќ кој ја оперираше популарната пејачка.
- Брена е многу љубезна, не се однесува како ѕвезда и нема посебни барања, откри Мокровиќ.