Џесика Баримур, сестрата на познатата холивудска актерка, Дру Баримур денес беше пронајдена мртва во нејзиниот автомобил во градот Нешионал Сити, Калифорнија.
Џесика Баримур
47-годишната Џесика беше пронајдена мртва само еден ден пред нејзиниот 48-ми роденден, а според медиумите во САД полицијата се сомнева дека се работи за самоубиство бидејќи биле пронајдени апчиња на сопатничкото седиште во автомобилот. Нејзиното безживотно тело било пронајдено од случаен минувач, а жената која ја пронашла Џесика веднаш ја повикала полицијата.
Причината за смртта ќе се дознае по аутопсијата која е планирана за во наредните неколку дена.
Џесика е ќерка на Џон Баримор, биолошкиот татко и на актерката Дру, но биолошката мајка на Џесика е Нина Вејн, подоцна трета сопруга на Џон.
Дру Баримур
Дру Баримур се бореше со зависностите од дрога и алкохол во нејзините тинејџерски денови, но сега е успешна актерка, сорпуга и мајка на две ќерки.