Во 2001-ва Шерон Стоун заврши во болница. Медиумите пишуваа дека изгубила свест од преголем замор, но вистината е далеку посериозна. Во емисијата на Опра, „Opra's Master Class“ актерката проговори за она што и се случило и откри дека всушност имала излив на крв во мозокот.
-Докторите открија дека мојата вертебрална артерија пукнала и за многу малку целосно ќе се скинела. Цело време сум крвавела во вратот, главата, лицето, кон рбетот...Артеријата одвај се држеше и мораше да се донесе брза одлука, раскажува Стоун.
-Морав да учам да одам, да слушам, да зборувам, да се сеќавам, сè од почеток. Мислев дека умирам, дури и откако се вратив дома. Постоеше дел од мене кој чувствуваше како да сум загубила сè. Мојата кариера беше речиси згасната, моето семејство исто, се разведов, ми беше одземено детето и голем дел од мојот идентитет. Едноставно потонав, па станав феникс. Потполно изгорев, до пепел. Сите нешта поради кои живеев исчезнаа, додаде таа.
Но и покрај застрашувачкото искуство, смета дека стравот од смртта повторно ја оживеал и дал можност за ново раѓање.