Бред Пит и Анџелина Џоли изгледаат како најсреќната двојка на светот, но спиритуалниот консултант на Пит инсистира дека станува збор за добро смислена фарса.
Рон Бард вели дека Бред се чувствува принуден да остане со Џоли само поради нивните 6 деца и јавниот имиџ. Според Бард, Пит се уште ја сака својата поранешна жена, Џенифер Анистон која е свршена со актерот Џастин Теру.
-На крајот од денот не е важно дали Бред е вљубен или не е вљубен. Важно е тоа што тој е маж кој се обврзал со 6 деца и планира да ја одржи својата обврска, вели Бард.
Неговите предвидувања велат дека Пит веќе тајно стапил во брак со Анџелина и во иднина ќе има уште неколку деца со неа.
-Мислам дека Џоли е мошне паметна. Таа го зароби, но на него не му е грижа бидејќи ги сака децата повеќе од самата врска со неа.
Рон објаснува дека Пит не може да си дозволи уште една разделба како онаа со Анистон, па токму затоа останува со Џоли и продолжува да ја игра улогата на среќен маж.