Влада Мандиќ опасно одлепи по Моника Белучи. Како што неколку пати најави, тој најмногу сака да ја однесе оваа прекрасна актерка во својот кревет, па сега се труди тоа да го оствари.
Бидејќи актерката во моментов се наоѓа во Требиње, каде го снима филмот со Емир Костурица, Влада на сите начини се труди да дојде до неа.
Според извори блиски до популарниот српски ракометар, тој ги ангажирал сите свои пријатели да го известат кога актерката ќе го напушти кампот во кој го снима филмот. Пред неколку дена тој добил дојава дека сексапилната Италијанка отишла на вечера во некој близок ресторан, пишува Alo.
Бидејќи Влада не бил многу далеку од Требиње, веднаш седнал во џип и одлетал за ресторанот, но безуспешно. Актерката го напуштила ресторанот, а Влада бил извисен.
Сепак, бидејќи добро го познаваат, неговите пријатели тврдат дека Мандиќ нема лесно да се откаже, се додека не ја освои Моника.