Можеби сите помисливме дека со бакнежот и прегратката меѓу Џеј Зи и Бијонсе на MTV видео музичките награди покажаа дека меѓу нив веќе нема проблеми. Сепак, говорот на телото е она што ги издаде.
Откако Бијонсе заврши со 15 минутниот настап, сопругот Џеј Зи заедно со нивната ќерка Блу Ајви се качи на сцена со цел да и ја врачат наградата Video Vanguard на Бијонсе. Иако тоа изгледа како нормално, многумина се шокираа од ова однесување поради гласините кои траеја цело лето и сметаат дека се работи за одлична глума.
- Видов многу патење и болка. Тие едноставно пробуваат да го избелат својот образ. Нема веќе емоции меѓу нив, изјави Сузан Константин, експерт за говор на телото.
Исто така, таа додаде дека фотографиите понекогаш можат многу повеќе да откријат од видеото. Ако сакате да откриете како некој навистина се чувствува, треба да ги проучите неговите микроекспресии како што се неволните движења на лицето, кои ги откриваат емоциите.
- Џеј Зи и Бијонсе целосно се оддалечени, а секој од нив размислува за нешто друго. Очигледно е дека Бијонсе се чувствува незгодно. Ја гледам тагата во нив. Бијонсе гледа во Блу Ајви и како да се труди да и каже се ќе биде добро, а таа и одговара – ова не изгледа добро. Децата се многу перцептивни, изјави Сузан.
Таа смета дека насмевката на Бијонсе била лажна, а ни таа ни Џеј Зи не гледаат еден во друг, туку се фокусираат на ќерката. Бијонсе со раката го покрива стомакот, кој се смета за место каде што се собираат сите емоции од телото, а тоа е знак на ранливост. Ако се чувствува среќно, ќе го открие стомакот. Исто така, нејзините колкови како да се на дистанца од сопругот, што упатува на одредени проблеми.