Британскиот модел, Кели Брук, можеби е една од најпосакуваните жени на светот поради своите раскошни облини и блескава насмевка, но, под убавината се крие љубоморна и помалку агресивна жена која признава дека физички нападнала двајца од своите поранешни љубовници.
Еден од нив е холивудскиот акционен херој и миленик на жените, Џејсон Статам, а другиот е рагби играчот Дени Кипријани.
Во својата автобиографија, Брук открива дека во 2000-ра година го удрила Статам, затоа што опуштено се поздравил со Гвинет Палтроу за време на венчавката на Мадона со Гај Ричи.
-Џејсон започна да мрда со колковите и со рацете велејќи „Гвини, Гвини, Гвини...Секси, секси, секси!“ Како што се сврти мојата тупаница му заврши во лицето, вели Брук.
Нешто слично се случило и со Кипријани кој си ја добил казната откако во стриптиз клуб и дал број на една од девојките.
-Се вратив кон масата и го видов Дени како оди кон мене. Ми рече дека ме барал кога го удрив по лицето, раскажува бујната убавица, која очигледно сака понизни мажи кои нема да гледаат ништо друго освен неа.
Сепак, тоа изгледа не е случај со последниот партнер и свршеник, бодибилдерот Дејвид Мекинтош. Можеме само да претпоставиме што ќе се случи доколку Брук се осуди да го нападне корпулентниот Мекинтош.