Сексапилната пејачка Никол Шерцингер неодамна го објави синглот On The Rocks, а за денеска откри дека најверојатно ќе излезе и видеото за нејзината нова песна.
По интензивниот промотивен период на новиот материјал, на Никол и беше потребен одмор. Британските медиуми успеаја да ја уловат оваа убава пејачка на шпанскиот остров Формантера како ужива на сонцето во друштво на неколку пријатели.
Триесет и шестгодишната убавица го покажа своето совршено тело во тесно бикини додека се релаксираше на јахта.
- Нема дилема дека поранешната пејачка на The Pussycat Dolls и требаше одмор. Таа сега ужива сончајќи се на Медитеранското море облечена во секси црно-бело бикини кое и стои одлично, пишува Daily Mail.
Инаку, пејачката најде време во збиениот распоред и неодамна беше забележана во САД со своето момче, Ф1 возачот Луис Хамилтон, пред таа да го промовира својот нов сингл.
Таа во интервју за BBC Radio 11 изјави:
- Оваа песна навистина е лична. Ја сакам. Пеам за раскинување. Сакам девојките, но и сите луѓе кои имаат тешки моменти во врската да ја пуштат песната на repeat и да се чувствуваат убаво, изјави Шерцингер, која не сакаше да прецизира за која поранешна врска е оваа песна.