Тајната венчавка на Анџелина Џоли и Бред Пит, го изненади светот, но и нивните пријатели кои воопшто не беа повикани на церемонијата во Франција. Сепак, во случајот на Џоли и Пит се е можно.
Двојката која се запозна на сетот од „Mr. & Mrs. Smith“ и помина 9 години заедно пред да го каже судбоносното ДА, за People магазинот откри детали од големиот ден.
На венчавката која се одржа на 23-ти август биле повикани само 20 гости меѓу кои најблиските пријатели и дел од семејството. Фустанот на невестата е креација на Atelier Versace која е надополнета со цртежите на нејзините деца.
-Луиџи ми е како семејство и не можам да замислам некој друг кој би можел да го направи овој фустан. Тој знае како треба и се грижи за децата, па беше забавно фустанот да се спои во целина, вели Џоли, зборувајќи за Луиџи Маси, главниот дизајнер во Versace.
Бред и Анџелина сакале целото семејство да учествува во венчавката, па освен тоа што децата оделе со неа до олтарот, ги напишале брачните завети, па дури и испекле торта.
-За нас беше мошне важно се да биде релаксирано и полно со смеа. Тоа беше прекрасен ден кој го споделивме со нашите деца и многу среќен момент за нашето семејство, открива холивудската двојка.