Најголемиот хакерски напад во светот на познатите, по се изгледа не е дело на еден човек, како што претходно се претпоставуваше туку на цел синџир на хакери, кои со години собирале порнографија од мобилните на славните личности.
Според последните информации неодамна во синџирот влегол нов корисник, кој ја издал довербата и започнал со објавување на материјалите. Исплашени дека фотографиите ќе изгубат на вредност и другите корисници на синџирот започнале да ги публикуваат своите материјали со цел да остварат било каква финансиска добивка.
По поднесените тужби, ФБИ активно е во потрага по сторителот или сторителите на кривичното дело.
Иако се уште останува непознато како точно се одвивал хакерскиот напад, некои експерти веруваат дека упадот во телефоните е направен преку праќање на меилови до жртвите кои изгледале како службен меил од Apple во кој се известуваат дека некој неовластено влегол во нивниот iCloud и затоа ќе биде потребно да го испратат својот Apple ID со цел да го потврдат својот идентитет.
Другата теорија е дека хакерите го искористиле неодамнешниот безбедносен пропуст на iCloud и ги пробиле лозинките.