Мајка, сопруга, актерка, секс симбол... Џесика Алба е совршена комбинација на сите нешта во едно, но како и секоја друга сосема нормална жена признава дека дури и таа имала денови кога не се чувствувала пријатно во сопствена кожа.
-Моите тинејџерски години и 20-тите години од мојот живот беа време кога се чувствував несигурно и секогаш имав потреба да се извинувам за нештата кои што ги правев, признава Алба.
Но, нештата се промениле со текот на годините.
-Откако наполнив 30 и станав мајка на две деца едноставно ја пронајдов жената во себе и сега имам и компанија. Секогаш се чувствував несигурно поради тоа што не завршив колеџ и мислев дека не сум доволно паметна, објаснува ѕвездата на „Fantastic Four “.
Денес, таа е директор на успешната компанија за бебешки производи The Honest Company, што уште еднаш покажува дека понекогаш образованието нема никаква врска со успехот и дека доколку сакаш да успееш и доволно се потрудиш, можеш да ги реализираш дури и најголемите соништа.