Обожавателки на Камбербач подгответе се – никогаш претходно не сте го виделе Бенедикт Камбербач во вакво издание. Традиционално скоцканиот и дотеран актер кој се стекна со голема слава во британската ТВ серија „Шерлок Холмс“ реши малку да се опушти и да го покаже јавно дел од својот сексапил.
Црно-белата фотографија е дело на фотографот Џејсон Бел, а ќе биде дел од изложбата со која се одбележува 10-годишнината од кампањата Give Up Clothes For Good, која помага во собирање на пари за истражување на ракот во Велика Британија. Бенедикт со своето разголено торзо прави римејк на легендарниот момент од филмот Pride and Prejudice, кој во оригинал е на уште еден британски актер, Колин Фирт.
Ова не е прв пат Камбербач да заплови во светот на модата. Тој веќе го има покажано својот стил со добивање комплименти од страна на Ана Винтур, главната уредничка на Vogue, а потоа беше номиниран за еден од најдобро облечените мажи за 2014-та според Venity Fair.
Сепак, влезен до половина во вода со мокра и раскопчана бела кошула е нешто за кое сонуваа неговите обожавателки.