Романсата помеѓу српската тенисерка Ана Ивановиќ и германскиот фудбалер Бастијан Швајнштајгер станува сè посериозна. Иако многумина шпекулираа дека станува збор само за минлива афера, Ана и Бастијан го докажуваат спротивното.
Капитенот на германската фудбалска репрезентација е забележан во Белград на прошетка со својата сакана.
-Тенисерката и фудбалерот цело време се држеа за рака, тој и раскажуваше нешто, а таа се смееше. Беа мошне симпатични, но тој е малку понизок од неа. Луѓето кои поминуваа покрај нив не може да веруваат на своите очи, па љубопитно вртеа со главите во знак на неверување, открива еден случаен минувач.
Фото репортерите успеаја да го сликаат парот додека излегува од еден ресторан во Земун, каде што беа на вечера со братот на Ивановиќ, неговата девојка и уште тројца мажи.
Врската помеѓу Ана и Бастијан стана топ тема во јавноста на почетокот од септември, кога Швајнштајгер ја раскина врската со германската манекенка Сара Брандер.