Дали некогаш сте се запрашале до каде може да оди човековата фантазија? И зошто ние луѓето постојано бараме прибежиште во нашите фантазии?
Токму ова е појдовната мисла која нè води низ театарската претставата „Ајде да имаме секс“, дело на младата режисерка Теа Беговска. Истата можете да ја проследите во ноќниот клуб БАЛЕТ, на 24 и 25-ти октомври, со почеток од 20:00 часот.
Ова е приказна за луѓе, оттуѓени и осамени. Поосамени и од самата самотија. Затворени во еден општествен ситем кој преку сексот како тема, како начин на живот, пробуваат да најдат излез, да побегнат во подобар свет. Каков е тој подобар свет? И дали воопшто постои тој свет?
Овие ликови ги толкуваат актерите: Владанка Димковска, Никола Кузелов, Талија Настова, Бобан Кулески и Теа Беговска.
Патувајќи низ нивните сексуални фантазии, откриваме што е нивниот проблем и постои ли одговор за големото прашање: ДАЛИ ВРЕДИ? Пробуваме да смениме нешто, да направиме нешто за себе, но нашиот глас го проголтува тишината. Затоа решаваме: Ајде да побегнеме! Ајде да имаме секс!
Не постои ниту една измислена формула, ниту едно научно откритие, кое е рамно на сексот како нагон. Сексот е над сите знаења и науки!
Цената на билетот изнесува 200 денари, а бидејќи истите се во ограничен број (25 од претстава), можете да направите резервација на ajdedaimameseks@gmail.com.
Погледнете го трејлерот: