Елена Ристеска повторно блесна на сцената од популарно шоу „Твое лице звучи познато“, но овој пат во улогата на Бритни Спирс.
Ристеска танцуваше во ритамот на „I’m a slave for you“, носеше руса перика, а во еден момент и танцуваше со питон, за поверодостојно да го долови настапот на Бритни.
Сепак, тоа не беше доволно за да се најде на врвот, кој овој пат и припадна на Катерина Богичевиќ и импресивната имитација на „I will always love you“ од Витни Хјустон.
Интересно е тоа што по поените добиени од судиите Ристеска беше на второто место, но по гласањето на учесниците во шоуто, кои не и доделија ниту еден поен, пејачката се пласира подолу на листата.
Судејќи по коментарите на социјалните мрежи мислењето на гледачите пред малите екрани во врска со настапот на Елена е поделено.
Додека за едни нејзиниот настап беше беспрекорен, други ја критикуваат дека ја масакрирала песната.