Поранешната членка на Pussycat Dolls, Никол Шерцингер, ги откри вежбите кои ги практикува за да го одржи своето секси тело во форма.
Американската пејачка, која во периодов е актуелна со својот најнов албум „Big Fat Lie“, во интервју за Women's Health зборуваше за своите режими на исхрана и вежбање.
-Вообичаено кога вежбам трчам на лента околу 20 минути, потоа практикувам клекнувања, стомачни, вежби со топка и јога растегање. Кога сум дома возам статичен велосипед или вежбам жешка јога- модифицирана верзија на бикрам јога, планинарам и слично, вели Шерцингер.
Што се однесува до нејзината исхрана, пејачката открива дека мексиканската храна и пастата и се омилена храна.
-За појадок уживам да јадам јајца и тост, како и пушен лосос, сланина или каша. Ручекот е резервиран за супа или суши. За вечера било што од паста до ориз, месо, зеленчук и суши, додава Никол.
Свршеницата на Луис Хамилтон важи за една од најубавите жени на светот, а воедно и дама која секогаш знае да го направи вистинскиот избор на црвениот тепих.
