Најдобрата српска тенисерка веќе некое време е во врска со капитенот на германската фудбалска репрезентација, Бастијан Швајнштајгер. Но и покрај тоа што неколку пати беше фатена од папараците, таа и понатаму одбива да го коментира нивниот однос.
-Тоа дали сум заљубена е мошне приватно прашање. Свесна сум дека мојата работа и она со што се занимавам носи уште една страна од приказната и дека некои мислат дека имаат право да знаат што се случува надвор од теренот. Сепак, овие нешта не влијаат врз мене премногу, иако постојат многу невистинити работи кои се пишуваат. Секој од нас тежнее кон својата среќа, па така и јас, изјави Ивановиќ за време на прес конференцијата организирана за промовирање на акцијата „Училишта без насилство“.
Ана и Бастијан се во врска од почетокот на септември, а од неодамна се шушка дека фудбалерот сака да купи стан во Белград за да биде поблиску до својата сакана.