Само што бебето го донесоа во семејниот дом во Монте Карло, Ѓоковиќ веќе се вратија на бројните обврски.
Првиот рекет на светот Новак Ѓоковиќ моментално е на турнеја во Париз, каде добива честитки и поклони за синот. Од друга страна, неговата сопруга Јелена една недела по породувањето се враќа на професионалниот живот како директорка на фондацијата Новак Ѓоковиќ. Имено, таа не сака да го запостави еден од најактуелните проекти – „Школо на животот“, па вчера ја испрати и последната акција.
Фондацијата во село близу Кралево свечено го отвори „Школо на животот“ во рамки на претшколската установа „Olga Jovičić Rita“ . Во адаптација на просториите, обука на воспитачите, купувањето на наставниот материја и играчките се вложени 3.350.000 динари.
- Иако таа не се одвојува од бебето, Јелена се труди да не ја запостави работата во фондацијата. Таа и Новак сметаат дека така и Стефан ќе даде позитивен пример за одговорност. Често тие истакнуваат дека станува збор за нормално семејство и не сакаат нивниот син да расте со повластици, вели извор близок до Ѓоковиќ.
Тој истакнува и дека раѓањето на синот го мотивирало Ноле да го задржи првото место на АТП листата.
- Новак е свесен колку овој мастерс во Париз е важен, особено бидејќи Федерер му се приближи на АТП листата, додава изворот.
Инаку Ноле пред некој ден доби и поклони од Француската тениска организација кога пристигна во Париз и откри дека со челниците на оваа организација разменил неколку совети за татковството.
Јасни ми се приоритетите сега во животот, а тие се Јелена и бебето. Размислуваме како да го пропатуваме заедно светот, откри Ноле