Баба или не, Неда Украден растура на сцената, но и во приватниот живот. Според српски Ало, 64-годишната пејачка веќе некое време се гледа со 40 години помладо момче. Токму тој е причината поради која Неда е видно подмладена и подготвена за нови предизвици.
-Откако се појави на телевизија во подвезици, на Неда и се додворуваат многу помлади мажи. Меѓутоа, малкумина знаат дека таа веќе е освоена од едно момче кое е 40 години помладо од неа. Се гледаат кога Неда има слободно време и по неа се гледа дека врската навистина и одговара. Постојано е насмеана и расположена. Годините не им преставуваат проблем, па не ги ни споменуваат. За сега се гледаат во станот и се трудат да ја сокријат врската за која знаат речиси сите нивни пријатели, открива интерен извор.
На прашањето дали е навистина така или не, пејачката даде мошне интересен коментар.
-Моите врсници се окупирани со девојки од 20 години, па мене ми преостануваат само млади мажи. Секогаш истакнувам дека е важно човекот да има млад дух, а изводот од книгата на родените не е важен. Ми годи тоа што за мене се интересираат далеку помлади мажи, вели таа.
По неочекуваната имитација на Бијонсе, Украден оваа недела повторно ќе ја шокира публиката и жирито на шоуто „Tvoje lice zvuci poznato“ бидејќи ќе се појави во улогата на пејачот од метал групата „Remmstein”.
За оваа имитација Неда целосно го смени личниот опис, а како ќе изгледа нејзината изведба ќе можеме да погледнеме во недела.