Убавицата на доделувањата на MTV EMA наградите ги плени погледите, а многумина не ја препознаа откако конечно ја смени фризурата.
На овогодинешното доделувања на MTV EMA наградите најмногу се зборуваше за младата убавица, Ариана Гранде.
Поранешната дива на Disney прво ги привлече погледите појавувајќи се на црвениот тепих во елегантен црн фустан кој ги истакна сите нејзини атрибути. Друштвените мрежи беа преполни со коментари дека малото девојче израснало во вистинска убавица.
Вториот шок следеше откако Ариана со својот настап ги отвори доделувањата на наградите во Глазгов. На бината се појави во сребрен фустан кој совршено и одговараше, но сите очи беа вперени во нејзината нова фризура и сексапилот кој зрачеше од неа.
Сите останаа изненадени дека славната Ариана својата коса не ја носи повеќе врзана, туку традиционалното репче го заменила со пуштена коса. Многумина останаа изненадени од таа промена, но и од тоа дека малата Disney девојка конечно пораснала, па сега веќе личи на жена. Инаку, Ариана доби две големи награди.
Нејзината песна „Problem“ е прогласена за најдобра, а во нејзини раце отиде и наградата за најдобар женски изведувач.
- Фала ви на сите, ова е фантастично, се заблагодари 21-годишната пејачка.