Можеби најпознатата фолкерска брачна двојка Татјана и Новица Лазаревски си заминуваат од Македонија и се селат во Австралија.
Иако и двајцата досега беа неколкупати на турнеја низ Австралија, сега заедно со двата сина, на крајот на годинава ќе се заминат од нашата држава и во иднина ќе живеат во Мелбурн.
- Двојката веќе подолго време размислувала за овој чекор, а Новица беше тој што ја убедувал Тања да се преселат. Тие и двајцата се одлично прифатени од Македонците во Австралија, тие таму се обожавани и имаат многу луѓе кои ја сакаат нивната музика, изјави пријател близок до двојката.
Според информациите семејството Лазаревски добило иселенички визи и веќе се пакува. Тања планира во Мелбурн да работи како учителка, а Новица веќе барал работа преку интернет. Сепак и двајцата ќе пеат за Нова Година во некои од рестораните во Мелбурн.