Магазинот People го прогласи австралискиот актер Крис Хемсфорт за најсексапилен маж на светот за 2014-та година. Хемсворт е најпознат по улогата на Тор во истоимениот серијал, а го портретираше и возачот на формула еден Џејмс Хант во филмот Rush.
Хемсфорт, кој за ова признание за најсекси маж дозна во шоуто на Џими Кимел, изјави дека за оваа титула треба да им се заблагодари на неговите родители.
Негови претходници се Бредли Купер, Рајан Рејнолдс, Ченинг Тејтум, Адам Левин, Бен Афлек, Бред Пит, Џорџ Клуни, Патрик Свејзи, Шон Конери... Мел Гибсон, уште еден Австралијанец, е првиот добитник на ова признание во далечната 1985-та година.
31-годишниот Хемсворт е оженет и има три деца. Неговиот помлад брат Лијам е ѕвезда на серијалот Hunger Games.
Актерот за магазинот изјавил дека наградата му дала право неколку недели да и’ се фали по дома на својата сопруга.
- Сега можам да и’ кажам: „Сети се дека ова го мислат луѓето и дека повеќе не морам да мијам садови, ни да менувам пелени. Сега сум над сето тоа. Успеав!“, се шегува тој.
