Обвинувањата за силување упатени кон Бил Козби (77) не стивнуваат. Последна која откри дека била негова жртва е поранешната манекенка Џенис Дикинсон (59). Таа изјави дека во далечната 1982-ра, Козби ја повикал на вечера во својата куќа на езерото Тахо каде ја дрогирал и сексуално злоупотребувал.
Дикинсон тврди дека испила чаша црвено вино и таблета за грчевите во стомакот, по што започнала да се чувствува чудно. Последното нешто на што се сеќава е како лежи на кревет додека Козби се качува врз неа.
-Се разбудив без облека на себе, а меѓу нозете имав сперма, вели манекенката и тврди дека никогаш не се соочила со Козби околу тоа што и го направил.
Откако другите жртви започнаа да зборуваат за своето искуство, таа решила да собере храброст и да ја раскаже приказната.
Во 2004-та Козби доби тужби од 13 жени кои тврдат дека ги злоупотребувал, но случаите завршија со тајни спогодби за оштета.