Популарната пејачка Северина Вучкович снимала моден едиторијал за српското издание на престижниот моден магазин „Harper’s Bazaar“, кој е втор на листата на најпознатите модни магазини, веднаш по „Vogue“.
Идејата за модниот едиторијал дошла од долгогодишниот соработник на Северина, Петар Трбовиќ, кој заедно со уредништвото на магазинот го собрале најдобриот тим предводен од фотографот Јелена Балиќ.
Фотографирањето се случувало во прекрасниот амбиент на дворецот Тракошчан. Преку креациите кои ги носела Северина, дворецот за миг заживеал и се вратил во 13 век, односно во периодот кога бил изграден.
Креациите на Матија Вуиц, Борис Павлин и Марко Митановски совршено се вклопиле во дворецот, заедно со Северина која наликувала на модерната Јованка Орлеанка.