Српскиот бизнисмен и поранешно момче на Северина Вучковиќ, Милан Поповиќ, поднесе тужба против хрватската пејачка, поради клевета. Таа неодамна тврдеше дека Поповиќ го фалсификувал пасошот на нивниот син Александар, по што тој доби забрана да го изнесе детето од Хрватска.
Бизнисменот реши да го возврати ударот, па планира во блиска иднина да се справува со мајката на неговото дете преку судови.
Северина и Милан претходно влетаа во меѓусебни обвинувања откако пејачката собра докази со кои сака да покаже дека Милан со помош на своите соработници создавал негативна слика за неа како мајка и користејќи ги медиумите вршел притисок врз судството, за да го добие старателството врз детето.