Српскиот актер Дејан Јелача и бразилската манекенка, Адријана Лима, уживаат да се фотографираат заедно, но за волја на вистината не се во никаква интимна врска. По гласините за наводната романса, Јелача даде изјава за српски Блиц во која го објаснува својот однос со ангелот на Victoria’s Secret.
-Кога се запознавме, станавме пријатели. Дури ја научив и неколку српски реченици како добар ден, како си, добро, а ти што правиш и по некоја домашна пцовка. Тоа беше навистина забавно. Следниот пат кога се видовме ме поздрави на српски! Кога ја запознав не беше во брак со Марко Јариќ ама неколку години подоцна ме запозна со него, вели Јелача.
Иако признава дека Адријана е една од најубавите жени на планетата, сепак има добра причина поради која помеѓу нив не може да има романса.
- Таа е една од најубавите жени на светот. Освен тоа изгледа многу поубаво откако стана мајка и и го имам кажано тоа. Некои медиуми пренесоа дека сме повеќе од пријатели, но еве ќе ви ја кажам вистината: Адријана и јас сме само пријатели и така и ќе остане! Нема шанса помеѓу нас да има нешто повеќе бидејќи сум во долга врска во која сум исполнет и уживам, искрено признава српскиот актер.