За своите 45-години Џенифер Лопез е прва во својата игра. И кога ќе помислите дека таа не може да биде подобра од тоа што е, Џеј Ло секогаш остава место за напредок.
Латино ѕвездата овој пат ја краси насловната страна на магазинот Self каде открива дека во наредната 2015-та година планира да се соочи со сопствените стравови и повеќе да работи на себе си.
Џеј Ло важи за една од најдобро облечените жени во светот на шоу бизнисот, но кога станува збор за облеката вели дека стилот никогаш нема врска со парите.
-Не е важно од каде е вашата облека. Може да е од Top Shop или Forever 21. Тоа е мојата дефиниција на стилот. Го наоѓаш она во што се пронаоѓаш и ги комбинираш парчињата. Не е важно дали е брендирана облека или не.
За разлика од другите познати личности кои лудуваат на приватни забави, оваа ѕвезда планира да ги помине празниците во помирна атмосфера.
-Мислам дека за мене ова ќе биде мирен Божиќ поминат со децата. Возбудена сум што ќе го поминам дома. Ќе бидам зафатена за новогодишната ноќ, па за празниците ќе вежбам дома. Уживам во тоа, додава Лопез.
