Во светот на познатите понекогаш постојат ѕвезди кои се славни, само затоа што се славни. Иако немаат некој посебен талент, овие познати личности најчесто успеваат добро да се „продадат“ себе си благодарение на голотијата и сексот.
Најдобриот пример за ова несомнено е Ким Кардашијан од неодамна госпоѓа Вест. И покрај тоа што нејзината кариера се базира на чист секс, парите кои ги заработува од оваа самопромоција ја лансираа во А-листата на познати и мошне богати жени.
По објавувањето на првата домашна порно снимка, Кими безуспешно се обидуваше да му докаже на светот дека видеото излегло во јавноста без нејзина согласност. Невината фаца и крокодилските солзи едноставно не беа доволни за да и помине приказната, но и понатаму остана популарна бидејќи успешно ја продаваше својата голотија.
При последниот хакерски напад на мобилните телефони на славните, меѓу многуте голи селфи фотографии беа и оние на КК. Нејзините адвокати веднаш се заканија со милионски тужби доколку спорните фотки не се тргнат од мрежата бидејќи како што велат истите ја нарушуваат нејзината приватност.
Сепак, ако ги погледнеме насловните страни кои реалити ѕвездата ги направи во изминатите неколку години, таа постојано се појавува гола. Овој пат разликата беше во тоа што не можеше да профитира од хакнатите фотки.
Се додека голотија продава, Ким и понатаму ќе остане тема која привлекува внимание. Без разлика дали ја сакате или ја мразите, таа наоѓа начин да направи пари.