Приказната околу тоа што се случува со поранешната членка на Spice Girls, Mel B од ден на ден добива различен пресврт. Последните гласини велат дека пејачката се предозирала со апчиња за смирување и алкохол поради што заврши во болница, непосредно пред финалето на X Factor.
Според пишувањето на Radar, кој се повикува на интерен извор, Mel B сака што поскоро да се разведе од сопругот Стивен Белафонте.
-За прв пат Mel отворено зборува за развод од Стивен. Таа верува дека тој премногу го контролира нејзиниот живот и сега е подготвена да се ослободи од него. Ќе биде мошне лошо зошто таа сака ќерката Медисон да биде со неа во Лондон и покрај тоа што се води како американски државјанин, открива изворот.
Освен тоа пејачката во последно време се дружи со погрешната група на луѓе, па нејзините најблиски пријатели се навистина загрижени за нејзе. По се изгледа дека Mel B за сега ќе остане во Лондон, одделена од својата ќерка која со Балафонте е во САД.