Бора Бора е рај на земјата, но за Линдзи Лохан престојот на тиркизните плажи донесе навистина сериозен проблем. Лохан закачи редок тропски вирус кој се пренесува преку убод од комарец и предизвикува треска, омалаксаност и болки во зглобовите.
Според пишувањата на TMZ по враќањето од одморот, Лохан веднаш побарала помош во лондонската „King Edward“ болница. По прегледите е пуштена на домашно лекување, но гласините велат дека и понатаму има интензивни болки. По препорака на лекарите, актерката побарала да се консултира со специјалист за тропски болести.
И покрај тоа што новогодишните празници ги помина со вирус, ЛиЛо не дозволи тоа да го уништи нејзиното добро расположение.
Додека постираше фотографии од својот одмор на Бора Бора не заборави да напише:
- Со добра волја и добри луѓе. Не дозволувам вирусот да влијае врз мојот мирен одмор. Бидете безбедни и среќни во новата година.