Taa е најголемиот стилски камелеон во музичката индустрија. Ријана уште еднаш ги изненади своите фанови со изгледот на насловната страница на i-D магазинот.
Сексапилната пејачка од Барбадос својот најнов моден стил го црпи од 90-те години. Таа носи плетенки и впечатливи големи обетки во вид на обрач. Едната плетенка и го покрива десното око, а тоа е во стилот на сите насловни страници на овој популарен магазин на кој моделите на насловната страница намигаат или пак го сокриваат едното око.
Фотографиите ги направи познатиот фотограф Паоло Роверси, а Ријана во однос на музиката изјави дека за оваа година подготвува албум.
Веќе имаме шанса да чуеме една песна, таа е несекојдневната соработка со Пол Мекартни и Канје Вест.