Српскиот актер и водител, Милан Калиниќ, кој во неделата предизвика сериозна сообраќајна несреќа се соочува со 4 годишна затворска казна поради невнимателно возење. Водителот ја предизвика сообраќајката враќајќи се од Копаоник, кога со својот Land Rover удри во возило марка Suzuki кое било управувано од Унгарски граѓанин. При несреќата двајца од патниците кои биле во второто возило се пренесени во болница, додека Калиниќ помина со полесни повреди.
Српски Курир ексклузивно објави фотографија од местото на настанот на која се гледа смачкан џип. Очевидци на настанот откриваат дека навистина е чудо како во несреќата нема мртви.
-Во овој случај наместо затворска казна судот може да изрече парична казна. Освен тоа постои можност покрај казната да се изрече и забрана за управување со моторно возило од 3 месеци до 5 години, вели обвинителот во случајот, Гордана Чолиќ.
Веднаш по несреќата, Калиниќ се обидел да ги посети повредените во болницата, но бил спречен од обезбедувањето.
-Пуштете ме да ги видам! Доаѓам од полиција! Знаете ли вие воопшто кој сум јас?, викал разлутениот водител, но и покрај тоа не добил пристап до Унгарците.