Иако им го простила хонорарот кој што и го должат од минатата сезона, кој се уште не и бил исплатен, сепак Емина Јаховиќ одлучи и оваа година да им излезе во пресрет и да биде дел од жирито на X-Factor Adria.
Како што дознаваат српските медиуми, Емина денеска доживеала голема непријатност кога продукцијата на X-Factor и соопштила дека нема да ги финансира основните потреби, како што се фризер и шминкер. Пејачката се шокирала и се вратила од аеродромот дома и со тоа дала до знаење дека нема да биде член на жирито во новата сезона.
- Добро е познато во светот дека кај вака големи проекти продукцијата е таа што ги обезбедува основните потреби на членовите на жирито, како што се фризер и шминкер кои секако работат на сетот. Токму поради тоа Јаховиќ очекуваше да го добие најосновното, вели избор близок до Емина.
Денеска на официјалната страница на X-Factor Adria излезе информација дека во втората сезона на најпопуларното регионалното музичко натпреварување кое ќе започне наскоро, членови на жирито се: Масимо Савиќ, Александра Ковач, Тончи Хулч и Жељко Јоксимовиќ.
Победник на првата сезона беше нашиот натпреварувач Даниел Кајмакоски.